OJF THE DOOR 



Gjatë vizitës delegacioni u njoh me shërbimin e Bandës Muzikore për të rinj me aftësi të kufizuara. Kjo bandë frymore unikale e krijuar në vitin 2005 synon që përmes forcës së muzikës të reduktojë stigmën ndaj personave me aftësi të kufizuara mendore dhe t’i integrojë ato në shoqëri.

Ndërmjet delegacionit të universiteteve dhe të rinjve të bandës muzikore, pasi u bënë prezantimet e ndërsjellata,  u zhvillua edhe një diskutim mjaft interesant. Më pas, Banda Muzikore performimit disa pjesëve muzikore për kënaqësinë e miqve.

Projekti T@sk financohet nga Komisioni Evropian. Ai është një  projekt tre – vjeçar kërkimi dhe trajnimi me vlerë 718.000 euro, i cili financohet në kuadër të programit Erasmus + (Capacity Building in the Field of Higher Education). T@sk synon përforcimin dhe modernizimin e Sistemit Shqiptar të Shërbimeve Sociale nëpërmjet fuqizimit të Sistemit Shqiptar të Arsimit të Lartë në Punën sociale dhe lidhjen e tij me mjedisin e punës duke nxitur bashkëpunimin ndërmjet institucioneve akademike dhe profesionale evropiane të fushës.

Rrjeti ndërkombëtar i institucioneve përbëhet nga: Universiteti i Firences (koordinator i projektit), Universiteti Complutense i Madridit, Instituti Universitar i Lisbonës, Universiteti i Tiranës, Universiteti i Shkodrës “Luigj Gurakuqi”, Universiteti “Aleksandër Xhuvani” Elbasan, Urdhri i punonjësve socialë të Rajonit të Toskanës. Synimi i këtij projekti është të zhvillojë përditësim njohurish teorike për pedagogët e universiteteve shqiptare dhe për punonjësit socialë, ndarje të përvojave më të mira të shërbimeve sociale efiçente dhe të reja, të cilat të mund të praktikohen edhe në Shqipëri në përshtatje me nevojat specifike të vendit.

Përfshirja në këtë projekt e punonjësve socialë në terren do të sigurohet nëpërmjet mbështetjes në një rrjet të pasur partnerësh të asociuartë përbërë nga Bashki, shërbime sociale në nivel lokal dhe shoqata jo-fitimprurëse ndër të cilat dhe Shoqata “The Door-Albania”.